Seguidores

quarta-feira, 10 de outubro de 2012

Mera Ruh Tak Mujhse Rootha Hua Hai!

Illustration for the Blog: Rkay's World Of Thoughts!!!


"In Search Of The Soul" - Paulo Zerbato/2010



Mera ruh tak Mujhse rootha hua hai!

Nile aasman ke taleh yeh badal jaise karvate le rahe hai,
Bechainiyon ka aalam mere dil mei kuch aise hi rukh le raha hai,
Anjaan se is ehsaas se,Sab bejaan lag rahe hai,
aankhein khuli tho hai par sabki pehchaan dhund raha hai,
na jaane yeh waqt kaisa imtihaan le raha hai...

yeh panchi aaj kaisi dhun suna rahe hai, 
mere bachpan ki kahaniyon ke sathi aaj kyun duur jaa rahe hai,
Yeh titli, yeh patte, yeh paudhe mujhe dekhte hi kyun murja rahe hai,
Mulayam hawa ke jhonke ko mehsoos karna kyun mushkil lag raha hai,
Yeh baarish, yeh boonde, yeh nadiyaan kahin bichad rahi hai,
Yeh galiyan, yeh chaubare mujhe alvida keh rahe hai,
mera gharonda mujhse khafa ho raha hai...

Zinda toh hoon mei par mera dil bhi aaj mujhse ruksat le raha hai,
Toofan mei datne wala aaj sahil ke paas aane par bhi ghabra raha hai,
Kya aaj mera dil ro raha hai, isse yeh kaisa dard ho raha hai
aankhein khuli tho hai, sab dekh rahi hai fir bhi kyun anjaan pesha rahi hai,
dua mangu bhi tho kaise mangu, mera ruh tak mujhse rootha hua hai!!!




Check it out:






Nenhum comentário:

Postar um comentário

Related Posts with Thumbnails